2022 жылдың 4-11 желтоқсан аралығында Астана қаласынының «EXPO» халықаралық көрме орталығында «WorldSkills Kazakhstan-2022» VII республикалық кәсіби шеберлік Чемпионаты өтті.
Қарағанды тау-кен индустриалдық колледж атынан студентіміз, Аян Аронов аталған Чемпионатқа «Дәнекерлеу технологиясы» құзіреттілігі бойынша қатысып, 1-ші орынды иеленді. Аян Аронов Қазақстан Республикасы Оқу-ағарту министрінің Дипломымен марапатталды.
VII республикалық кәсіби шеберлік Чемпионатқа Қарағанды облысынан 27 құзырет бойынша 28 студент қатысты. Чемпионат қорытындысы бойынша біздің облыс республика бойынша 1-ші орынға ие болып, 22 жеңімпаз анықталды. Қарағанды облысының командасы чемпионатта 6 алтын, 3 күміс, 2 қола медаль және 11 үздік медальон жеңіп алды.
Мұндай чемпионаттар білікті кадрларды даярлауда жаңа идеялар мен трендтер жасайды, кәсіптік білім беру сапасын арттыруға және халықаралық деңгейдегі жаңа формациядағы маман қалыптастыруға мүмкіндік береді.
